ÁBYRGÐ PEUGEOT BÍLA

Peugeot_ábyrgd

BRIMBORG BÝÐUR NÚ ALLA NÝJA PEUGEOT BÍLA MEÐ 5 ÁRA ÁBYRGÐ OG RAFHLÖÐUÁBYRGÐ RAFBÍLA Í 8 ÁR. ÁBYRGÐIN ER VÍÐTÆK VERKSMIÐJUÁBYRGÐ SEM GILDIR FYRIR BÆÐI FÓLKSBÍLA OG SENDIBÍLA PEUGEOT.

Gæðin heilla með 5 ára ábyrgð og rafhlöðuábyrgð rafbíla í 8 ár. Lægri rekstrarkostnaður, meira öryggi, hærra endursöluverð og hraðari endursala

Með reglulegri þjónustu og 5 ára ábyrgð nýrra Peugeot bíla og 8 ára rafhlöðuábyrgð rafbíla tryggir þú þér meira öryggi, lægri rekstrarkostnað, hærra endursöluvirði og hraðari endursölu. Til að viðhalda ábyrgðinni skv. ferli framleiðanda eins og lýst er í eiganda og þjónustuhandbók bílsins þarft þú aðeins að koma árlega eða á 15.000 km fresti, hvort sem á undan kemur með bílinn í þjónustu hjá viðurkenndum þjónustuaðilum Brimborgar sem annast bæði almenna þjónustu og viðgerðir sem falla undir ábyrgð.

Þjónustuskoðanir Peugeot bíla eru á hagstæðu verði og við gerum þjónustuheimsóknina eins einfalda og kostur er. Við minnum þig á þegar nær dregur og þú velur tíma og bókar á netinu eins og þér hentar.

5 ára ábyrgð tók gildi frá 1.6.2019, fyrir þann tíma er lögbundin 2 ára ábyrgð.

Forsendur ábyrgðar

Ábyrgðarskilmála má finna í eiganda- og þjónustuhandbók bílsins ásamt viðaukaskilmálum sem farið er vel yfir við afhendingu á nýja bílnum.

Almennt hefur kaupandi rétt samkvæmt íslenskum lögum til að bera fram kvörtun um galla í allt að tvö ár frá afhendingu nýju bifreiðarinnar en með réttu þjónustueftirliti skv. skilmálum framlengist verksmiðjuábyrgðin í allt að 5 ár eða að 100.000 km.

Rafhlöðuábyrgð er 8 ár eða að 160.000km hvort sem á undan kemur og miðast við 70% hleðslugetu.

Til að uppfylla ábyrgðarskilmálana þarf að fara með nýja Peugeot bílinn í reglubundið þjónustueftirlit hjá Brimborg eða hjá viðurkenndum þjónustuaðilum samkvæmt staðli framleiðanda. Forsendur ábyrgðar eru reglulegt þjónustueftirlit á 12 mánaða eða 15.000 km fresti hvort sem kemur á undan sem kaupandi ber kostnað af.

Viðgerðir sem falla undir ábyrgð

Þú ferð með Peugeot bílinn þinn ásamt eiganda- og þjónustuhandbók til viðurkennds þjónustuaðila Peugeot. Allir viðurkenndir þjónustuaðilar Peugeot geta annast viðgerðir sem falla undir ábyrgð.

Panta tíma í ábyrgðarviðgerð

Þú getur pantað tíma í ábyrgðarviðgerð á verkstæði Peugeot hér á vefnum. Þú færð svar um hæl og síðan minnum við þig á tímann fjórum dögum áður en þú átt að mæta og aftur minnum við á daginn áður. Þú finnur lausan tíma, bókar tíma, afbókar eða bókar fyrirspurn fyrir verkstæði Peugeot hér.